அன்பார்ந்த சகோதர சகோதரிகளே..
அல்ஹம்துலில்லாஹ் ரமதான் துவங்குவதற்குள் தீவிர முயற்சி செய்து கீழ் தளத்தை தயார் செய்தோம்.சகோதர சகோதரிகளே...எங்கள் கையிருப்பினை கொண்டே முடிந்தவரை கட்டிடத்தை மேலெழுப்பியுள்ளோம். இன்னும் அதை சரி செய்யவும், பாதுகாப்பானதாக ஆக்கவும், அல்லாஹ்வின் உதவியை நாடுகின்றோம். அதன் பின் தங்களின் தயவை.
.JPG)
நன்றியும் புகழும் இறைவனுக்கே அன்றி வேறில்லை. தங்களின் உதவியை இன்னும் எதிர்நோக்கியவாறு உள்ளோம். பள்ளிவாசலில் நோன்பு திறக்க வருபவர்களுக்கும் நாங்கள் வைத்திருப்பது அரிசி கஞ்சியும் வடை, சட்னியுமே. இதில் அருகில் வசிக்கும் முஸ்லிமல்லாதவர்களும் அடக்கம்.
.JPG)
தயவு செய்து ரமதான் மாதத்தில் எல்லாம் வல்ல அல்லாஹ் எழுபது மடங்கு வரை நன்மையை பெருக்கித் தரும் வேளையில் மனமுவந்து எங்களின் மஸ்ஜிதிற்கு உதவி செய்வீர்களாக. எங்கள் பிள்ளைகள் படிப்பதும் இதே கொட்டகையில், இன்னும் அவர்களுக்கென தனி இடம் ஒதுக்கி தரவும் இயலா நிலையில் உள்ளோம்.
சகோதர சகோதரிகளே...அல்லாஹ்வின் இல்லத்திற்கு, அவனுக்கென்று சுஜூதை தனிப்படுத்தி ஒவ்வோர் நாளிலும் ஐந்து தடவைக்கும் மேல் அவனுக்கு மட்டும் சுஜூது செய்கின்றோமே...அந்த ஆலயத்திற்காக, இன்ஷா அல்லாஹ் மனமுவந்து செய்யுங்கள்.
‘ரமழான் மாதம் வந்துவிட்டால் சுவர்க்கத்தின வாயில்கள் திறக்கப்படும், நரகத்தின் வாயில்கள் மூடப்படும், ஷைத்தான்கள் விலங்கிடப்படுகின்றனர்’ என நபிகளார் (ஸல்) அவர்கள் கூறினார்கள். (முத்தபகுன் அலைஹி).
‘ரமழானின் முதல் இரவு வந்து விடுமானால் ஷைத்தான்களும், அட்டூழியம் புரியும் ஜின்களும் விழங்கிடப்படுகின்றனர். நரகத்தின் அனைத்து வாயில்களும் மூடப்படும் அதில் ஏதும் திறக்கப்படமாட்டாது, சுவர்க்கத்தின் அனைத்து வாயில்களும் திறக்கப்படும் அதில் ஏதும் மூடப்படமாட்டாது. ஓர் அழைப்பாளர் நன்மையை விரும்புபவர்களே அதிகம் நன்மை செய்யுங்கள், பாவங்களை விரும்புபவர்களே பாவங்களை நிறுத்திக்கொள்ளுங்கள் என்று அழைப்பு விடுப்பார். ஒவ்வொரு இரவும் நரகத்திற்குரியவர்கள் விடுதலை செய்யப்படுகின்றனர்.’ என நபிகள் நாயகம் (ஸல்ய) அவர்கள் கூறினார்கள் (அறிவிப்பவர்: அபூஹுரைரா (ரலி), ஆதாரம்: திர்மிதி, இப்னுமாஜா).
சுவர்க்கத்தின் வாசல்கள் திறக்கப்படும் இவ்வேளையில் அல்லாஹ்விற்கு அழகிய கடனை அளித்து முன்னேறுங்கள். அதிகமதிகம் நன்மைகளை பெற வேண்டி அழைப்பவருக்கு பதில் கூறுங்கள். நோன்பும், குர் ஆனும், சதகாவும் இன்னும் பல நற்செயல்களும் செவ்வனே நிறைவேற்றி இந்த மாதத்தின் அனைத்து நன்மைகளையும் குறையின்றி பெற்றிடுங்கள். சகோதர சகோதரிகளே எங்கள் மஸ்ஜிதிற்கு அளிக்கும் நன்கொடையானது இன்ஷா அல்லாஹ் நரகத்திலிருந்து தங்களை பாதுகாக்கும் கேடயமாக விளங்கட்டும் என்று அதிகமதிகம் து'ஆ செய்கிறோம். மீண்டும் சந்திப்போம் இன்ஷா அல்லாஹ்.
வாகிர்தவா'னா ஹம்துலில்லாஹி ரப்பில் ஆலமீன்.
